Lista e kandidatëve për automjetin evropian të vitit

Lista e kandidatëve për automjetin evropian të vitit



Me rastin e hapjes së panairit të automjeteve në Paris është publikuar edhe lista e finalistëve të këtij viti për çmimin prestigjioz të Automjetit evropian të vitit.

Nga lista fillestare prej 38 automjeteve, lista e finalistëve është ngushtuar në gjithsej shtatë, e siç pohojnë në juri, këtë vit do të jetë jashtëzakonisht interesant, duke pasur parasysh se asnjë automjet nuk është shumë larg njëri-tjetrit. Laureati i vitit të kaluar ka qenë Fiat 500 i cili ishte zgjedhur për shkak të nivelit të lartë të sigurisë dhe dizajnit unik retrospektiv.

Nga lista aktuale në momentin e fundit janë larguar emra të mëdhenj, siç është seria 7 e BMW-së, Volkswagen Scirocco, Jaguar XF, e madje edhe Mercedes GLK. Megjithatë, edhe automjetet e mbetura në listë nuk janë aspak më të mangëta:

Alfa Romeo Mi.To
Citroen C5
Ford Fiesta
Opel Insignia
Renault Megane
Škoda Superb
Volkswagen Golf

Juria për përzgjedhjen e Automjetit evropian të vitit përbëhet nga 59 gazetarë të cilët përfaqësojnë 23 shtete evropiane. Numri i gazetarëve nga vende të caktuara paraqet edhe madhësinë e tregjeve, e si rrjedhojë edhe më së shumti kandidatë, nga gjashtë prej tyre, vijnë nga Gjermania, Franca, Italia, Spanja dhe Britania e Madhe.